Prishtinë, 20 shkurt 2008 – Presidenti i Republikës së Kosovës priti sot shefin e Zyrës së Malajzisë në Prishtinë, z. Mustafa J Mansor.
Z. Mansor e njoftoi Presidentin Sejdiu se qeveria e shtetit që ai përfaqëson ka vendosur ta njohë Kosovën si shtet të pavarur dhe sovran. Ai po ashtu përcolli mesazhin se Malajzia ka vendosur që ta ngrisë përfaqësinë e vet në Kosovë në nivel ambasade dhe se z. Mansor do të jetë i Ngarkuar me Punë në këtë Ambasadë.