Presidenti i Kosovës, dr. Fatmir Sejdiu, u takua me shefin e UNMIK-ut, z, Joachim Ruecker, me të cilin bisedoi për gjendjen e përgjithshme në Kosovë dhe proceset politike nëpër të cilat po kalon vendi, e në veçanti për çështjet që kanë të bëjnë me statusin politik në prag të paraqitjes së propozimit të Ahtisarit.
Presidenti Sejdiu, edhe më këtë rast, ripohoi përkushtimin e institucioneve të Kosovës për përmbylljen e suksesshme të këtij procesi, që duhet të jetë në përputhje me vullnetin e popullit të Kosovës për pavarësi të plotë dhe integrim në strukturat euroatlantike.