presidenca-logo
DR. VJOSA OSMANI SADRIU
PRESIDENTE E REPUBLIKËS SË KOSOVËS
...

FJALË E PRESIDENTIT SEJDIU NË HAPJEN E AMBASADËS AMERIKANE NË PRISHTINË

Ky shënonte moment të rëndësishëm të marrëdhënieve të shkëlqyeshme në mes të Kosovës dhe SHBA-ve, do të thoshte më 1996 Presidenti Ibrahim Rugova, i cili me të drejtë e quante këtë lidhje “miqësi të përhershme” në mes të dy vendeve tona.

E nderuar zonjushë Kaidanow, shefe e Misionit Amerikan në Prishtinë,Të nderuar punonjës të Misionit,Të nderuar pjesëmarrës të kësaj ceremonie shtetërore,Zonja e zotërinj,Kosova ka tashmë një histori të marrëdhënieve speciale me Shtetet e Bashkuara të Amerikës që janë farkuar nëpër kohë të stuhishme të ekzistencës sonë. Po mbushen 12 vjet që kur kemi përfaqësim diplomatik të SHBA-ve në Kosovë. Hapja e Zyrës Amerikane më 6 qershor 1996, që u bë nga Nënsekretari amerikan i Shtetit John Kornblum, ka shënuar vendosjen e pranisë amerikane në Kosovë në rrethana të veçanta. Ky shënonte moment të rëndësishëm të marrëdhënieve të shkëlqyeshme në mes të Kosovës dhe SHBA-ve, do të thoshte më 1996 Presidenti Ibrahim Rugova, i cili me të drejtë e quante këtë lidhje “miqësi të përhershme” në mes të dy vendeve tona.Presidenti amerikan George W. Bush, në letrën e tij të njohjes së pavarësisë së Kosovës, që ma dërgonte mua të nesërmen e shpalljes, përkujtonte “lidhjet e thella dhe të sinqerta të miqësisë që bashkojnë njerëzit tanë”. Kjo miqësi, theksonte Presidenti Bush, “e farkuar gjatë orëve më të errëta të tragjedisë së Kosovës, është bërë edhe më e fortë në nëntë vitet që kur ka mbaruar lufta në Kosovë”.Sot, me hapjen e Ambasadës së SHBA-ve në Prishtinë, po kurorëzohet njëra pjesë e punës për vendosjen e marrëdhënive të plota diplomatike në mes të Kosovës dhe SHBA-ve.Kjo do të përmbyllet me hapjen e Ambasadës së Kosovës në Shtetet e Bashkuara të Amerikës.Pa e zgjatur, urime zonjusha Kaidanow, urime të gjithëve në këtë rast historik të institucionalizimit dipomatik të lidhjeve në mes të dy vendeve tona që i ndajnë kontinentet, po i bashkojnë vlerat e lirisë e të demokracisë.Zoti e bekoftë kombin amerikan!Zoti i bekoftë lidhjet tona të përhershme miqësore!Presidenti i Republikës së KosovësDr. Fatmir Sejdiu

This site is registered on wpml.org as a development site.