Presidenti Thaçi: Bashkëpunimi me EULEX-in po e ndihmon rendin dhe ligjin në Kosovë

Prishtinë, 18 janar 2017 – Presidenti i Republikës së Kosovës, Hashim Thaçi, ka pritur sot në një takim pune Shefen e Misionit të Bashkimit Evropian për Sundimin e Ligjit në Kosovë (EULEX), Alexandra Papadopoulou.

Kreu i shtetit u shpreh se bashkëpunimi mes institucioneve dhe autoriteteve shtetërore kosovare me EULEX-in vazhdon të jetë i mirë.

“Ky bashkëpunim po ndihmon në konsolidimin e të gjithë sektorëve të rendit dhe ligjit në Kosovë”, ka thënë presidenti Thaçi gjatë takimit me shefen e EULEX-it, Alexandra Papadopoulou.