Presidenti Sejdiu priti shefin e Zyrës Ruse në Prishtinë, z. Andrei Drenov

Prishtinë, 6 shtator 2007 – Presidenti Sejdiu priti shefin e Zyrës Ruse në Prishtinë, z. Andrei Drenov.

Në këtë takim u diskutua për gjendjen e përgjithshme në vend, me theks të veçantë për procesin e përcaktimit të statusit politik të Kosovës.

Me këtë rast, shefi i Zyrës Ruse në Prishtinë i dorëzoi Presidentit Sejdiu ftesën për një takim të ri me treshen ndërkombëtare, i paraparë të mbahet në datën 19 shtator në Londër.

Në lidhje më këtë çështje, Presidenti Sejdiu ka caktuar për nesër e premte,7 shtator në orën 10:00, një takim të Ekipit të Unitetit në të cilin do të bisedohet për pjesëmarrjen në takimin e Londrës.