Presidenti Sejdiu priti përfaqësuesit e Federatës Universale të Paqes

“Kosova është e përkushtuar që ta ndihmojë paqen dhe stabilitetin në Ballkan, në mënyrë që njerëzit të mund të jetojnë në paqe, në liri dhe prosperitet të përbashkët”, tha Presidenti i Kosovës, dr. Fatmir Sejdiu, gjatë një takimi që pati sot me përfaqësuesit e Federatës Universale të Paqes, të cilëve u shprehu mirënjohjen e tij për rolin e kësaj federate në Kosovë.

Po ashtu, Presidenti Sejdiu theksoi se Kosova angazhohet për një bashkëpunim të ndërsjellë me shtetet e rajonit, sepse kjo, pa dyshim, do t’i kontribuonte paqes dhe afirmimit të vlerave të përgjithshme demokratike.