Presidenti Sejdiu priti familjen e atdhetarit Shaban Manaj

Presidenti i Republikës së Kosovës, dr. Fatmir Sejdiu i dorëzoi sot familjes së atdhetarit, politikanit, veprimtarit të Lëvizjes për pajtimin e gjaqeve dhe për mbrojtjen e të drejtave të njeriut, avokatit të mirënjohur të Kosovës, z. Shaban Manaj "Medaljen e Artë të Lirisë", me të cilën e pati dekoruar Presidenti historik i Kosovës, dr. Ibrahim Rugova për kontributin e dhënë për lirinë, pavarësinë dhe demokracinë e Kosovës.