Agjenda ditore

E martë, 31 maj 2016

Agjenda mediale e Presidentit Thaçi për sot, e martë
 
Të nderuar gazetarë,
 
Ju njoftojmë se sot (e martë, 31 maj), nga orën 17:00, Presidenti i Republikës së Kosovës, Hashim Thaçi, do të bëjë hapjen e konferencës ndërkombëtare ndërfetare “Roli i gruas në promovimin e dialogut ndërfetar dhe luftimin e ekstremizmit”, e cila po organizohet në kuadër të nismës Interfaith Kosovo.
 
Kjo ngjarje e nivelit të lartë, që sivjet organizohet nën patronazhin e Presidentit të Republikës së Kosovës, ka një agjendë unike me disa pika kryesore, si:
·  Fjalimet kryesore nga dy laureatë të çmimit nobel, Dr. Shirin Ebadi (fituese nga Irani, në vitin 2003) dhe Tawakkol Karman (fituese nga Jemeni, në vitin 2011);
·  Ceremonia inauguruese për dhënien e çmimit të Kosovës për dialogun ndërfetar, i cili i jepet Kryetarit të Londrës, Sadiq Khan, si dhe themeluesit të komunitetit Sant’Egidio, ipeshkvit Vincenzo Paglia;
·  Panelet dhe punëtoritë do të përbëhen nga pjesëmarrës nga organizata botërore ndërfetare, si Fondacioni i Besimit “Tony Blair Faith Foundation”, “Instituti Salam për Paqe dhe Drejtësi”, pastaj nga Fondacioni Berghof, Gratë pa Kufij (Women without Borders), Qendra Doha për Dialog Ndërfetar, etj.
 
Konferenca mbështetet nga Ministria e Punëve të Jashtme e Kosovës, Ambasada e Shteteve të Bashkuara të Amerikës në Kosovë, Kuvendi i Republikës së Kosovës, Misioni i Kombeve të Bashkuara në Kosovë, UNDP, UN Women, Ambasada Mbretërore Norvegjeze në Kosovë, Zyra e Bashkimit Evropian në Kosovë, Ambasada Kanadeze në Kroaci – jorezidente për Kosovë, si dhe Fondacioni i Besimit “Tony Blair Faith Foudnation”.
 
Konferencat ndërkombëtare ndërfetare të mbajtura në Kosovë janë ngjarje të mëdha të nismës Interfaith Kosovo që mbledhin aktivistë të shoqërisë civile, liderë fetarë, diplomatë, gazetarë, artistë dhe akademikë për të diskutuar një gamë të gjerë të sfidave me të cilat përballen vendet në sigurimin e pajtimit në periudhat dhe zonat pas konfliktit, si dhe për luftën kundër ekstremizmit të dhunshëm në shoqëritë e sotme bashkëkohore.
 
Konferenca do të mbahet në hotelin “Swiss Diamond”, kurse mediet mund ta ndjekin drejtpërdrejt fjalimin e Presidentit të Republikës së Kosovës, Hashim Thaçi, si dhe fjalimin e nobelistes nga Irani, Dr. Shirin Ebadi.

E diel, 22 maj 2016

Agjenda mediale e presidentit Thaçi për nesër, 23 maj
 
Nesër (e hënë), në orën 10:00, Presidenti i Republikës së Kosovës, Hashim Thaçi, së bashku me ministrat Memli Krasniqi dhe Bekim Çollaku, viziton kompaninë për prodhimin dhe përpunimin e qumështit “Eurolona”, në fshatin Miradi e Epërme të Fushë Kosovës.
 
Mirëpresim ekipet tuaja!

E premte, 20 maj 2016

Agjenda mediale e Presidentit Thaçi për sot, e premte
 
Të nderuar gazetarë,

Sot, në orën 09:15, Presidenti i Republikës së Kosovës, Hashim Thaçi, pret në takim z.Noel Malcolm, të cilit ia dorëzon Medaljen e Artë të Lidhjes së Prizrenit. (Pamje dhe deklarata)

*****

Sot (20 maj, e premte), Presidenti i Republikës së Kosovës, Hashim Thaçi, do të vizitojë trasenë e re në rrugën 6-të, të autostradës “Arbën Xhaferi”.

Meqë është vendpunishte, shkuarja dhe kthimi për gazetarë dhe kameramanë organizohet prej Departamentit për Informim dhe Komunikim me Publikun në ZPRK.

Vendi dhe ora e nisjes: Parkingu i Kuvendit të Kosovës, ora 11:00.

Mirëpresim ekipet tuaja!

E enjte, 19 maj 2016

Nesër (20 maj, e premte), Presidenti i Republikës së Kosovës, Hashim Thaçi, do të vizitojë trasenë e re në rrugën 6-të, të autostradës “Arbën Xhaferi”.

Meqë është vendpunishte, shkuarja dhe kthimi për gazetarë dhe kameramanë organizohet prej Departamentit për Informim dhe Komunikim me Publikun në ZPRK.

Të gjitha mediet e interesuara për ta përcjellë këtë ngjarje duhet t’i dërgojnë sot emrat ose numrin e anëtarëve të ekipeve të tyre, më së largu deri në orën 19:00.

Vendi dhe ora e nisjes: Parkingu i Kuvendit, ora 11:00

Konfirmimi në: [email protected] ose 038 212460

Ju falënderojmë për mirëkuptim!

E martë, 17 maj 2016

Agjenda e presidentit Thaçi për nesër, e mërkurë
 
Nesër (18 maj), në orën 11:00, Presidenti i Republikës së Kosovës, Hashim Thaçi, do të marrë pjesë në akademinë përkujtimore me rastin e 26 vjetorit të vrasjes së Jetullah Deskut në ish-APJ.
 
Vendi: Qendra e Kulturës “Jehona e Dukagjinit” në Klinë
 
Gjithashtu, në orën 14:00, presidenti Thaçi viziton komunitetin malazias në fshatin Gorazhdec të Pejës.
 
Vendi: Familja Beshoviq, Gorazhdec
 
Mirëpresim ekipet tuaja!

E hënë, 16 maj 2016

Agjenda mediale e presidentit Thaçi për nesër, 17 maj
 
Nesër, e martë (17 maj), në orën 09:00, Presidenti i Republikës së Kosovës, Hashim Thaçi, merr pjesë në hapjen e Konferencës për Marrëveshjen e Stabilizim Asociimit në mes të Bashkimit Evropian dhe Republikës së Kosovës.
 
Vendi: Swiss Diamond
 
Gjithashtu, në orën 12:45, presidenti Thaçi pret në takim Komisionerin Evropian për Politikën e Fqinjësisë Evropiane dhe Negociatat e Zgjerimit, Johannes Hahn (pamje dhe deklarata).
 
Vendi: Kabineti i Presidentit
 
Mirëpresim ekipet tuaja!

previous

1-6 Nga 365

next
Agjenda

KOSOVO IN UNESCO